Reggae Head

Reggae Head

Doctors inject me
Police arrest me
Dem electric shock me
But dat nar stop me,
Oooh
Dem can't get de Reggae out me head.

Dem tek me to a station
Put me on probation,
But I still a dance
Wid de original nation,
Oooh
Dem can't get de Reggae out me head.

Dem sey,
Obey yu masta,
Stop talk Rasta,
But I tek a dub
An juss rock a little fasta,
Noooo
Dem can't get de Reggae out me head.

Dem sey
Bad bowy, stop it,
Dem put money in me pocket
Riddim wise I drop it
An rock it Reggaematic,
Got it
Dem can't get de Reggae out me head.

Dem put
Pill an potions ina me
Dem put
Sum weird notion ina me
Dem put
Fire water ina me
Wan time dem try fe slaughter me,
But I thrive on electricity
Dem tings stimulate I mentally
Now dem calling me de enemy
Cause de reggae roots deep ina me.
Experts debate me
Pop charts
Hate me,
De BNP want to
Annihilate me,
Oooh
Dem can't get de Reggae out me head.

Critics curse
Psychiatrists wail,
Cadburys
Lock me up in jail,
Still
Dem can't get de Reggae out me head.

Computers study me
Commuters worry me
But dem can't hurry me
Or do me injury,
No
Dem can't get de Reggae out me head.

Videos are watching me
But dat is not stopping me
Let dem cum wid dem authority
An dem science and technology,
Oooh
Dem can't get de Reggae out me head.


from Propa Propaganda (Bloodaxe, 1996), © Benjamin Zephaniah 1996, used by permission of the author c/o United Agents.

Recordings

Books & cds by Benjamin Zephaniah