Listen to the world’s best poetry read out loud.

Jane Bosibori Marando ObuchiOgokwa kw’Abana 

Nogokwa kw’abana gokogechia kegima 

Obotongi n’oboronge. Teri ngencho koboria naseki. 

Keria kere oboronge, onde taiyo omanyete. 

Ngesusuro ki kerabe egesonsoro? 

Getaamero tikeri, gose koegerera gose gotuntuba. 

Nogokwa kw’abana gokogechia kegima. 

Onde bwensi okoamereria eke nigo agoekora 

gosoma emecherere y’egesio. Korende goika totiane ase  

Keria kere oboronge, onde taiyo omanyete 

buna omoerio gose egesio gekoeagacha. Oria okoegerera  

ebirenga biabo n’ebirengererio ebiya noborimo akoria. 

Nogokwa kw’abana gokogechia kegima. 

Makweri tari na ibaga ri’okonyora ebitoki buna ebi 

korwa as’aba, abwo bataigete komenya, abaibori babo bakorera. 

Keria kere oboronge, onde taiyo omanyete 

Bono reta obotoereru, n’okoremia. Abageni, abasani 

intwe twensi titori abaibori ekero abana bagokwa? 

Keria kere oboronge, onde taiyo omanyete 

Nogokwa kw’abana gokogechia kegima. 

Translated by  

Jane Bosibori Marando Obuchi

Note: The Kisii people have a rich and vibrant culture that is expressed through their music, dance and unique traditions. Their music is characterized by the use of drums, flutes, the obokano and other percussion instruments.  Jane Obuchi is the first ever recognised female composer and musician to play the obokano.