Listen to the world’s best poetry read out loud.

Uşaqlarin ölüm 

Uşaq ölümüdür ən ağır əzab, 

Buna bəşəriyyət necə dözür bəs ? 

Haqq, ədalət hanı, kim verər cavab ? 

Əgər günahkarla biz çəksək hesab, 

Bununla təsəlli taparmı hər kəs ? 

Uşaq ölümüdür ən ağır əzab. 

Deməklə taledən gəlir iztirab, 

Bunlar boş sözlərdir, deyirlər əbəs, 

Haqq, ədalət hanı, kim verər cavab ? 

Yüz cür bəhanələr gətirməz savab, 

Axır qalib olar haqdan gələn səs, 

Uşaq ölümüdür ən ağır əzab. 

Ölüm sevinməsin, onadır xitab, 

Analar yanırlar çəkmədən nəfəs, 

Haqq, ədalət hanı, kim verər cavab ? 

Biz ata, anayıq qohum, ya da yad, 

Uşaq itirəndə qalmayır həvəs, 

Haqq, ədalət hanı, kim verər cavab ? 

Uşaq ölümüdür ən ağır əzab ! 

Translated by

Alviz Aliyev